毕业旅行十大省钱怪招-廉航
有留意机票行情嘅朋友，都会知道廉价航空，永远都係穷游族嘅好朋友，唔止飞内陆或者短途有得平，甚至去到欧洲、澳洲都有航线，分分鐘执到平价机位，订购时多做功课，可以一下子悭返唔少!
毕业旅行十大省钱怪招-PASS
出外旅行，世界各地嘅PASS当然係悭钱同悭时间之选，可以任搭当地交通工具之余，又可以免费游览景点，有时仲可以係参观热门景点嘅时候，免去排队排长龙人迫人之苦!
毕业旅行十大省钱怪招-搭乘夜车
搭乘夜车(巴士或火车)旅游，除咗可以将宝贵嘅白天时间用尽之外，又可以省下旅馆住宿嘅费用，训醒一觉起床就到目的地，不过前提係你要唔怕操劳……
毕业旅行十大省钱怪招-使用志愿导游
想深入了解一个地方嘅歷史文化，一定离唔开当地人嘅教路，例如纽约、多伦多、芝加哥、巴黎、墨尔本、布宜诺斯艾利斯同休斯敦等嘅城市，会有「志愿导游」服务，而且唔收小费，更唔会强行带你到纪念品店购物，但游客要先提前预订服务。
毕业旅行十大省钱怪招-暴走
有时候，想游览嘅城市面积不大，若果目的地可以係步行半个鐘内抵达，大家可以选择行路，代替乘搭交通工具(特别在假期间)，不失为一个悭钱嘅好方法!
毕业旅行十大省钱怪招-动手DIY
选择青年旅社或民宿嘅时候，最好就係能够煮食，到时向当地人打探边到买食材最平，然后预先準备每日膳食，可以悭唔少出外用膳嘅花费。
毕业旅行十大省钱怪招-游客中心
Tourist information center一直都係自助旅行者嘅好朋友，除咗可以免费攞详细嘅当地地图之外，仲可以趁机得到好多意想唔到嘅优惠资讯，从买车票、订旅馆、,到选购PASS、或者套装行程，如果你脸皮够厚，赖得够耐，仲可以叫人帮你规划好行程…….
毕业旅行十大省钱怪招-游览免费博物馆
有唔少国家嘅顶级博物馆同动物园都係免费嘅，好似位于伦敦嘅大英博物馆、泰特现代艺术馆、华盛顿市内嘅国家动物园、国家航空航天博物馆等等，都係免费对外开放，钟意呢类行程嘅朋友，可以悭返唔少!
毕业旅行十大省钱怪招-赶紧使用学生证最后福利
我讲嘅学生证唔止係某某银行嘅国际学生证，仲係自己中学同大学嘅学生证，因为据笔者所知，有唔少热门嘅景点都有学生/青年优惠，票价可以平3成至7成不等!
毕业旅行十大省钱怪招-住青旅
想悭钱，就要打消「住酒店」嘅念头!笔者係青年旅馆嘅死忠支持者，只因为佢真係好平，以欧洲各地，如巴黎、伦敦、罗马等地嘅青年旅馆为例，运气好嘅话，10蚊欧元就有交易!
